ޙައްޖު މޫސުންފިޔަވާ އަހަރުގެ ކޮންމެ ދުވަސްވަރެއްގައިވެސް ޢުމްރާކުރެވޭނެ ‘ކުރު ޢުމްރާ’ ޕެކޭޖު ތަޢާރަފްކޮށްފިއެވެ. މިއީ އަހަރުގެތެރގައި ލިބޭ ކުރު ޗުއްޓީއެއް ނުވަތަ އެނޫންވެސް ދުވަސްވަރެއްގައި އާއިލާއާއިއެކީ ނުވަތަ ރަހުމަތްތެރިންނާއެކީ ނުވަތަ ތިމާ އެކަނި ޢުމްރާކުރުމަށް ފަސޭހަ އިންތިޒާމުތަކާއެކު ޙައްޖު ކޯޕަރޭޝަނުން ތަޢާރަފްކުރި ޕެކޭޖެކެވެ.
ޢުމްރާކުރުމުގައި އަމިއްލަ އިޚުތިޔާރު: ދަތުރުކުރާނެ ދުވަސް އިޚުތިޔާރުކުރާނީ އެބޭފުޅަކު އަމިއްލައަށެވެ. ޙައްޖުކޯޕަރޭޝަނުން ޢުމްރާ ދަތުރުތައް ކުރާ ދުވަސްވަރާ ދިމާވާކަށް ނުޖެހެއެވެ. އެބޭފުޅަކު އިޚުތިޔާރުކުރާ ދުވަސްތަކެއްގައި މި ޢުމްރާ ކުރެވޭނެއެވެ.
ބޭނުންގޮތަކަށް ދަތުރު ރޭވުމުގެ ފުރިހަމަ އިޚުޔާރު: މި ޕެކޭޖުގައި ޢުމްރާއަށް ފުރާނެ ދުވަހާއި، އެނބުރި އަންނަން ބޭނުންވާ ދުވަހާއި ބޭނުންވާ ފުލައިޓަކާއި، ހުންނަން ބޭނުންވާ ހޮޓަލާއި، ސަޢުދީގައި ދަތުރުކުރާނެ އުޅަނދާއި، ޒިޔާރަތްކުރަން ބޭނުންވާ ތަންތަން އިޚުތިޔާރުކުރާނީ ޢުމްރާ ކުރައްވާ ބޭފުޅެކެވެ.
މަދު ދުވަސްތަކަކުން ޢުމްރާކުރުން: މިއީ އަހަރު ތެރޭގައި އަވަދިނެތި އުޅޭ ފަރާތްތަކަށް ލިބޭ ކުރު ޗުއްޓީއެއްގައި ޢުމްރާގެ މަތިވެރިއަޅުކަން އަދާކުރަން ބޭނުންވާ ފަރާތްތަކަށް ޚާއްސަ ޕެކޭޖެކެވެ.
ވިޔަފާރި ދަތުރުތައް ކުރައްވާ ފަރާތްތަކަށް ޚާއްސަ: މިއީ ވިޔަފާރި ދަތުރުތަކާ ގުޅުވައިގެން ޢުމްރާ ދަތުރުތައް ކުރަން ބޭނުންވާ ފަރާތްތަކަށްވެސް ޚާއްސަ ޕެކޭޖެއް ހިމެނޭ ޢުމްރާ ދަތުރެކެވެ. ޢުމްރާގެ އަޅުކަމަށްފަހު ދުބާއީ ފަދަ ޤައުމަކަށް ވިޔަފާރިކޮށްލަން ދާން ވިސާވެސް މި ޕެކޭޖުގެ ދަށުން ހަމަޖައްސައިދެވޭނެއެވެ.
ފަސޭހަ ފްލައިޓެއްގައި ހިތްހަމަޖެހުމާއެކު ދަތުރުކޮށްލުން: ޢުމްރާއަށް ދިޔުމަށް ދަތުރުކުރާނެ ފްލައިޓެއް އަމިއްލަޔަށް އިޚުތިޔާރުކޮށް، ފްލައިޓުގައި ދަތުރުކުރާނެ ކްލާސް އިޚުތިޔާރުކުރުމުގެ ފުރުސަތުދެވޭނެއެވެ.
ހުންނާނެ ތަން އިޚުތިޔާރުކުރުން: ޢުމްރާގެ އަޅުކަން އަދާކުރަން ސަޢުދީއަރަބިއްޔާގައި ހުންނާނެ ހޮޓަލެއް އަމިއްލަޔަށް އިޚުތިޔާރުކުރެވޭނެއެވެ. އެގޮތުން ހޮޓަލުގެ ފެންވަރާ، ހޮޓާ ހިފަން ބޭނުންވާ ސަރަހައްދުވެސް އަމިއްލަޔަށް އިޚުތިޔާރުކުރެވޭނެއެވެ.
ދަތުރުފަތުރުކުރުމުގެ ލުއިފަސޭހަކަން: އެބޭފުޅެއްގެ ފުދުންތެރިކަމާ (ނުވަތަ ބަޖެޓާ) އެކަށީގެންވާ ރޭޓެއްގެ އުޅަނދުތަކެއްގައި ސަޢުދިއަރަބިއްޔާގައި ދަތުރުކުރުމުގެ އިންތިޒާމުތައް ހަމަޖައްސައިދޭނެއެވެ. އެގޮތުން ދަތުރުކުރަން ބޭނުންވަނީ ކޮންކަހަލަ އުޅަނދެއްގައިކަމާ އުޅަނދުގެ ފެންވަރުވެސް ކަނޑައެޅޭނެއެވެ.
އެކަނި ޢުމްރާ ކުރުމާއި، އާއިލާއާއި ކުދި ގްރޫޕްތަކުގެ ޢުމްރާ: އެކަނި ޢުމްރާ ކުރަން ބޭނުންވާ ފަރާތްތަކަށާ، ޢާއިލާގެ މެންބަރުން އެކުގައި ޢުމްރާކުރަން ބޭނުންވާ ފަރާތްތަކަށާ، ވަކި ގުރޫޕެއްގެ ގޮތުގައި ޢުމްރާ ކުރަން ބޭނުންވާ ފަރާތްތަކުން ބޭނުންވާ ގޮތްގޮތަށް ދަތުރުގެ އިންތިޒާމުތައް ހަމަޖައްސައިދޭނެއެވެ.
ތަންތަން ބަލައިލަން ކުރާ ޒިޔާރްތައް: އެންމެ ބަލައިލަން ބޭނުންވާ، ނުވަތަ އެތަނަކަށް ޒިޔާރަތްކޮށްލަން ބޭނުންވާ ޚާއްސަ ތަނެއް ވާނަމަ އެފަދަ ތަނަކަށް އެމީހަކަށް އެންމެ ފަސޭހަ ގަޑިތަކެއްގައި ހަމަޖައްސައިދޭނެއެވެ.
އެކަނި، އަމިއްލަޔަށް އުޅެވޭގޮތަށް: ގުރޫޕުތަކާ ނުގުޅި، އެމީހަކު ބޭނުން ގަޑިއެއްގައި ފަސޭހަ ގޮތަކަށް ޢުމްރާގެ އިންތިޒާމުތައް ހަމަޖައްސައިދޭނެއެވެ. އެގޮތުން ޒިޔާރަތްކުރަން ބޭނުންވާ ތަންތަނަށް އެކަނި ދިޔުމާ، ޢުމްރާ ކުރަން ބޭނުން ގަޑިތަކުގައި ޢުމްރާ ކުރެވޭނެ އިންތިޒާމުވެސް ހަމަޖައްސައިދޭނެއެވެ.
އަގު އަދާކުރުމުގައި ފަސޭހަކަން: ޢުމްރާ ދަތުރުގައި އެމީހަކު އިޚުތިޔާރުކުރާ ކަމަކަށް ފައިސާ ދެއްކުމުގެ ފުރުސަތު އޮންނާނެއެވެ. އެގޮތުން ޒިޔާރަތް ދަތުރުތަކާ، އެހެނިހެން ދަތުރުތައް ކުރަން ބޭނުންނަމަ އެކަމަކަށް ފައިސާ ދެއްކުމުގެ ފުރުސަތު އޮންނާނެއެވެ.
ދަތުރުގެ ކަންކަން ރޭވުމުގައި އެހީތެރިވުން: ޢުމްރާޔަށް ދާން ގަސްތުކުރާ ހިސާބުން ފެށިގެން ދަތުރުގެ ފެށުމާ ހަމަޔަށް ހުރިހާ އިރުޝާދެއް އަޅުގަނޑުމެން ދޭނަމެވެ. އަދި އޮޅުން ފިލުވަންބޭނުންވާ ކަންކަން އޮޅުންފިލުވައިދީ، ދަތުރާ ގުޅޭ ފަންނީ ތަޖުރިބާޔާ އެހީތެރިކަމާ ލަފާ ދޭނެއެވެ.
މި ޕެކޭޖާ ގުޅޭއިތުރު މަޢުލޫމާތު މިކޯޕަރޭޝަންގެ ނަންބަރު: 1435، 7961012 އިން ލިބިވަޑައިގަންނަވާނެއެވެ.
